Hamdard Self Care Forum (HSCF) - Niyam aur Shartein

• Hamdard Self Care Forum ki shuruat aapsi help aur insaniyat ke liye ki gayi hai.
• Ye forum har dharm, jaat ke Indian nagrik ke liye hai.

• Family Support: Active member ki death hone par family ki financial help.
• Beti ki Shaadi: Beti / Behan ki shaadi me help.
• Medical Help: Serious beemari me help.

• [3.1] Age: 18 se 60 saal.
• [3.2] Registration: Website par online.
• [3.3] Maintenance Fees: 51 Rupaye / Year. *

*August 2026 me sirf ₹15.

• Waiting Member: Registration ke baad jo waiting period pura kar raha hai. 31 August 2026 tak registration karne walo ke liye 90 din aur 1 September 2026 ke baad walo ke liye 180 din. Is dauran koi help nahi milegi.
• Active Member: Jisne waiting period pura kar liya ho aur pichhle 12 mahino ke 90% help campaigns me support kiya ho. Yahi help ka haqdar hai.
• Inactive Member: Jo pahle active tha, ab help karna chhod diya. Ise koi help nahi milegi, jab tak lagatar 3/6 mahine tak phir se help na kare.

• Active bane rehne ke liye pichhle 12 mahino ke 90% campaigns me help karna zaroori hai.
• Aisa na karne par member inactive ho jayega.

• [6.1] Appeal Amount: 50 Rupaye per active member. Halat ke hisab se sanstha isko kam-zyada kar sakti hai.
• [6.2] Mahine me zyada se zyada 2 case ki appeal hogi. Agar 2 se zyada case approve ho gaye to appeal amount kam kar di jayegi taaki members par bojh na pade.
• [6.3] Member zyada hone par sanstha group bana degi, har group apne group ke zarooratmand member ki help karega.
• [6.4] Paisa har member seedhe zarooratmand ke bank account me bhejega.
• [6.5] Paisa bhej kar website par raseed upload karna zaroori hai.

• [7.1] Sanstha sirf appeal ka platform hai, paise ki koi guarantee nahi. Jitne member help karenge utna hi paisa milega.
• [7.2] 60 saal ki age puri hone ke baad death aur beemari par koi help nahi milegi. Haan, agar koi member zindagi bhar active raha hai aur 60 ke baad uski beti ki shaadi hai to help milegi.
• [7.3] Help ke time active member hona zaroori hai.
• [7.4] Galat document ya jhoothi gawahi par membership turant khatam ho jayegi aur li hui help ka paisa wapas karna padega.
• [7.5] Galti se zyada paisa bhejne par proof dene par 3 din me wapas hoga.
• [7.6] Saari verification aur faisla committee ka hoga, jise court me challenge nahi kiya ja sakta.
• [7.7] Kisi bhi jhagde ka faisla sirf Gorakhpur district ki court me hoga.
• [7.8] Sanstha ke khilaf afwah failane ya staff se badtameezi karne par membership khatam aur kanooni action liya ja sakta hai.

[A] Family Support (Death Par Help):

• [8.1.1] Help Limit: Koi limit nahi, help box 20 din tak khula rahega.
• [8.1.2] Agar member inactive ho, age 60 se zyada ho, suicide ho, ya uski death me nominee ka haath ho to help nahi milegi.
• [8.1.3] Information: 7 din ke andar WhatsApp / Email / helpline par death ki information deni hogi.
• [8.1.4] Documents: Death certificate, Aadhaar card, nominee ka Aadhaar card, PAN card + bank passbook, family members ki details
• [8.1.5] Team 7 se 30 din me verification karegi, phir appeal start hogi.

[B] Beti ki Shaadi (Beti / Behan ki Shaadi Par Help):

• [8.2.1] Main Conditions: (A) Member active ho aur waiting period August 2026 me join karne walo ka 90 din, uske baad walo ka 180 din pura ho. (B) Beti ki age 18 se zyada ho (C) Member ki age 60 se kam ho.
• [8.2.2] Behan ki shaadi ki condition: Behan ki shaadi me help tabhi milegi jab maa-baap ka inteqal ho chuka ho ya unki age 60 saal se zyada ho aur behen isi member ke sahare rehti ho. Iske liye maa-baap ka death certificate / age ka proof + affidavit zaroori hai.
• [8.2.3] Beti / Behan ka member hona zaroori: (A) Normal case me jis beti/behan ki shaadi ke liye help maang rahe hain, uska 18 saal ke baad khud HSCF me registration hona aur kam se kam 3/6 mahine tak active member rehna zaroori hai. (B) Chhoot: Agar shaadi ke time beti/behan ki age 18 saal 6 mahine se kam hai, to kam se kam uski age 18 saal 3 mahine hona zaroori hai aur is pure time (18 saal se shaadi tak) wo active member rahi ho.
• [8.2.4] 5 Saal ka Wada: Shaadi me help lene ke baad apply karne wale member aur jis beti/behan ki shaadi me help li gayi hai, dono ko kam se kam 5 saal tak HSCF ka active member bane rehna hoga, aur har help me shamil hona hoga.
• [8.2.5] Rule todne par action: Agar 5 saal se pehle membership chhodi to dono (baap/bhai aur beti/behan) ki membership hamesha ke liye khatam kar di jayegi aur unke khilaf kanooni action liya jayega.
• [8.2.6] Kitni baar help: Life me zyada se zyada 2 shaadiyon me (1 beti, agar wife bhi active member hai to dusri beti me bhi, ya 1 beti + 1 behen). 2 shaadiyon me kam se kam 2 saal ka gap zaroori.
• [8.2.7] Limit: Zyada se zyada 2 Lakh 50 Hazaar Rupaye tak.
• [8.2.8] Apply karne ka tarika: Shaadi se kam se kam 60 din pehle apply karna hoga. Shaadi ke baad 30 din ke andar marriage certificate / dharmik guru ka letter + shaadi ki 2 photo bhejna zaroori hai.

[C] Medical Help: Serious Beemari Par Help

• [8.3.1] Kaun si beemari shamil hai: Cancer, kidney fail, liver fail, dil ki surgery, dimag ki ganth, ya bada accident jisme hospital ka kharch 2 Lakh Rupaye se zyada ho. Normal bukhar, khansi, jukam isme nahi hai.
• [8.3.2] Beemari serious hai ya nahi, ye sanstha ki medical committee decide karegi.
• [8.3.3] Limit: Zyada se zyada 2 Lakh Rupaye.
• [8.3.4] Main Rules: (A) Life me 1 baar help mil sakti hai (B) Sarkari hospital me free ilaj ho raha ho to help nahi milegi (C) Ilaj ke baad paisa bach jaye to sanstha ko wapas karna hoga.
• [8.3.5] Documents: Doctor ka prescription, hospital ka admit card / kharch ka estimate, member ka Aadhaar card, PAN card + bank passbook.
• [8.3.6] Information: Hospital me admit hone ke 15 din ke andar HSCF ko information deni hogi.

• [9.1] Shaadi (2.5 Lakh) aur beemari (2 Lakh) ki limit puri hote hi help box me pahle se pending case ka account laga diya jayega warna sanstha ka central fund.
• [9.2] Death wali help me koi limit nahi, 20 din tak paisa seedhe nominee ke account me jayega.
• [9.3] Sanstha ke account ka har hisab website par live dikhega.

• Website / App banane aur chalane me
• Forum me transparency badhane ke liye nayi technology use karne me
• Office ka kharch
• Staff ka kharch
• Verification ka kharch
• Forum ka prachar-prasar
• Natural disaster se affected logo ki help
• Gareeb aur honhaar students ki help
• High-quality education dene wale schools aur colleges ki sthapna karna
• Other social work

• Phone Number: 9696968957
• WhatsApp: 9696968957
• Email: hamdardselfcare@gmail.com